Jambyl oblysynda toqtatylǵan kólikten 12 qap marıhýana tabyldy

TARAZ. KAZINFORM – Tyıym salynǵan zattardy kólikti tekserý barysynda qyzmettik ıt anyqtaǵan, dep habarlaıdy Jambyl oblystyq polıtsııa departamentiniń baspasóz qyzmeti.

Kólikterin joldyń 583 shaqyrymynda polıtsııa toqtatqanda kórshiles óńirdiń eki turǵyny jolda kele jatqan.

«Qarasora-2025» jedel aldyn alý is-sharasy aıasynda «Aýdı-100» avtokóligine tekserý júrgizilgen. Tekserýge Baron atty qyzmettik ıt te qatystyrylyp, ol birden kúdik týǵyzǵan.

Kólik salonyndaǵy artqy oryndyqtan polıtseıler ósimdik tektes zat salynǵan úsh kúmándi qap tapqan. Taǵy toǵyz qap dál osyndaı zatpen kóliktiń júksalǵyshynan tabylǵan. Saraptama nátıjesi olardyń ishinde keptirilgen marıhýana bolǵanyn rastady. Jalpy salmaǵy — 66 kılogramm.

Kólik júrgizýshisi men jolaýshysy ýaqytsha ustaý ızolıatoryna jetkizildi. Olarǵa qatysty Qylmystyq kodekstiń 297-babynyń 3-bóligi («Esirtki zattaryn iri kólemde zańsyz satyp alý, saqtaý, tasymaldaý nemese ótkizý») boıynsha sotqa deıingi tergeý bastaldy.

Kúdiktilerge jeti jyldan on eki jylǵa deıin bas bostandyǵynan aıyrý jáne múlikti tárkileý jazasy qarastyrylǵan.

Osyǵan deıin habarlaǵanymyzdaı, Jambyl oblysy Ádilet departamenti bastyǵynyń orynbasary para alý kúdigimen ustaldy.