Jambyl oblysynda jasóspirim tóbelesten keıin kózinen aıryldy
ASTANA.KAZINFORM - Tarazda 15 jastaǵy mektep oqýshysyn qatygezdikpen uryp-soǵý oqıǵasy boıynsha tergeý júrgizilip jatyr. Jasóspirim toptyq shabýyl saldarynan aýyr jaraqat aldy.
Qaıǵyly oqıǵa kıim aýystyratyn bólmede bolǵan. Ony birneshe bala qatygezdikpen soqqyǵa jyǵyp, kómekke kelýge tyrysqan basqa jasóspirimderdiń bólmege kirýine jol bermegen. Oqıǵanyń mán-jaıy, sondaı-aq tóbelestiń keıbir kórinisteri mektepte ornatylǵan beınebaqylaý kameralaryna túsirilgen.
Zardap shekken oqýshy birneshe jaraqatpen aýrýhanaǵa jetkizildi. Dárigerler onyń zaqymdanǵan kózin saqtap qala almady.
Polıtsııa Qazaqstan Respýblıkasy Qylmystyq kodeksiniń -Qasaqana aýyr dene jaraqatyn salý» baby boıynsha sotqa deıingi tergeýdi bastady. Tek bir kúdikti ustalyp, ýaqytsha ustaý ızolıatoryna qamaldy. Jasóspirimdi uryp-soqqan ózge adamdardyń áli kúnge deıin ustalmaǵany týraly suraq ashyq kúıinde qalyp otyr.
-Tergeý nátıjeleri boıynsha oqıǵaǵa qatysýshylardyń barlyǵynyń áreketterine quqyqtyq baǵa beriledi. Qazirgi ýaqytta oqıǵanyń mán-jaıyn tolyq jáne obektıvti túrde anyqtaý úshin qajetti tergeý is-sharalary júrgizilip jatyr, - dep habarlady departament.
Sonymen qatar, polıtsııa shabýyl jasaǵan mektep oqýshylarynyń ata-analary da kámeletke tolmaǵandardy tárbıeleý jáne olardyń qaýipsizdigin qamtamasyz etý jónindegi mindetterin oryndamaǵany úshin jaýap beretinin atap ótti.
Jambyl oblysynda enesiniń atyna nesıe rásimdegen kelin sottaldy.