Jambyl oblysynda tyıym salynǵan dinı materıal taratqan top sottaldy

TÚRKІSTAN. KAZINFORM — Jambyl oblysynda dinı radıkalızmmen aıyptalǵan 4 tulǵaǵa qatysty úkim shyqty. 

Bıyl Birlesý Eńbek aýylynda Jambyl aýdany prokýratýrasynyń nusqaýy negizinde polıtsııa men Ulttyq qaýipsizdik komıtetiniń qyzmtkerleri dinı alaýyzdyqty násıhattaıtyn ádebıetterdi taratýmen aınalysyp kelgen 4 adamdy ustady.

Atalǵan tulǵalar el aýmaǵynda tyıym salynǵan dinı materıal men ýaǵyz-nasıhatty áleýmettik jelilerde jarııalap otyrǵan.

— Kúdikke ilingen tulǵalardyń úı jaılaryna tintý barysynda Qazaqstan Respýblıkasynyń aýmaǵynda dinı alaýyzdyqty qozdyrýshy retinde taratýǵa tyıym salynǵan materıaldar tárkilengen.

Bıyl maýsym aıynda Jambyl aýdandyq soty joǵaryda kórsetilgen tulǵalar QK-niń 174-baby 1-bóligimen kózdelgen qylmystyq quqyq buzýshylyq jasaǵany úshin kináli dep tanyp (dinı alaýyzdyqty qozdyrý), árqaısysyna 2 jyl merzimge bas bostandyǵynan aıyrý jazasy taǵaıyndaldy, — delingen Jambyl oblysynyń prokýratýrasy habarlamasynda.

Sot úkimderi zańdy kúshine endi.

Prokýratýra organdary áleýmettik, ulttyq, rýlyq, násildik, tektik-toptyq nemese dinı alaýyzdyqty nasıhattaıtyn ádebıetti nemese ózge de aqparat jetkizgishterdi daıyndaǵany nemese taratqany úshin qylmystyq jaýaptylyq kózdelgenin eskertedi.

Aıta ketelik Túrkistan oblysynda tyıym salynǵan dinı materıaldardy taratqan sheteldik 7 jylǵa sottalǵan edi.