Jambyl oblysynda tasyǵan sýdan temirjol búlindi

ASTANA. KAZINFORM – Jambyl oblysy Sarysý aýdanynda betkeıden aqqan sý temirjoldy zaqymdady.

Jambyl oblystyq tótenshe jaǵdaılar departamentiniń baspasóz qyzmeti taratqan málimet boıynsha, Sarysý aýdanyndaǵy Jańatas qalasynyń mańynda Sharbaqty-Jańatas baǵytyndaǵy temirjoldyń 171-shaqyrymy betkeıden aqqan sýdan zaqymdanyp, 25 metrdeı bóligi shaıylǵan.

«Temirjoldyń bul bóliginde elektr qýaty bar. Aparatyn jalǵyz jol «Kazfosfat» JShS-ine qyzmet kórsetedi. Zaqymdanǵan bólik qazir qalpyna keltirildi. Qozǵalys shekteýli jyldamdyqpen júrip jatyr. Jolǵa jaıylǵan sýdy sorǵytyp, jol boıyndaǵy aryqty bekemdeý jumystary júrgizilip jatyr. Oqıǵa ornynan 12 100 tekshe metr sý soryldy. Onyń ishinde 47 jer úı men 97 aýla bar», - dep naqtylady departamenttiń baspasóz qyzmetindegiler.

Jańatas-Saýdakent avtojolynda da 25 metrdeı bólikti tasyǵan sý alyp ketken. Sý jaıylǵan bólikke qum tóselip, qozǵalys qalpyna keltirilgen.

Jambyl oblysynyń Jańatas qalasynda kóshelerdi sý basty.