Jambyl oblysynda taǵy da jer silkindi
ASTANA. KAZINFORM — Jer silkinisiniń oshaǵy Qyrǵyzstan aýmaǵynda ornalasqan, dep habarlaıdy Tótenshe jaǵdaılar mınıstrligi.
QR TJM «SBZUGO» JShS seısmıkalyq stantsııalar jelisimen 2025 jylǵy 28 naýryzda Astana ýaqytymen 16:00-de jer silkinisi tirkeldi.
— Jer silkinisi Jambyl oblysynda sezilgen. Eseptik qarqyndylyǵy naqtylanyp jatyr. Jer silkinisiniń oshaǵy Qyrǵyzstan aýmaǵynda ornalasqan. Zardap shekkender men qıraǵan ǵımarattar týraly málimet túsken joq, — delingen habarlamada.
Eske salsaq, osyǵan deıin Almatydan 323 shaqyrym jerde jer silkinisi tirkeldi. Eseptelgen qarqyndylyǵy Merki aýylynda — 5.0 ball, Qulan aýylynda — 4.0 ball, Shý qalasynda — 2.0 ball shamasynda bolǵan.
Tabıǵı apat saldarynan Turar Rysqulov aýdany Qaraqystaq aýylyndaǵy mádenıet úıi, Merki aýdandyq aýrýhanasy, Oıtal aýylyndaǵy mektep ǵımaratynyń qabyrǵasynda jaryqshaq paıda bolǵany anyqtaldy.
Al «QazAvtoJol» Jambyl oblysyndaǵy jer silkinisinen keıin jasandy qurylystarǵa esh zaqym kelmegenin atap ótti.
Budan bólek Qazaqstanda bolǵan jer silkinisi Qyrǵyzstanda da sezilgeni aıtyldy.
Sonymen qosa Mıanmada 7,9 baldyq joıqyn jer silkinisi bolǵany habarlandy.
Keıinnen Bangkok turǵyndary qatty jer silkinisine baılanysty evakýatsııalanǵany týraly aqparat tarady.