Jambyl oblysynda shekaradan 30 keli esirtki alyp ótpek bolǵan sheteldik ustaldy

TARAZ. KAZINFORM – 14 jeltoqsanda Jambyl oblysyndaǵy «Aısha bıbi» ótkizý pýnktinde Ulttyq qaýipsizdik komıtetiniń Shekara qyzmeti esirtki zattarynyń iri partııasyn alyp ótý áreketiniń jolyn kesti.

UQK baspasóz qyzmetiniń málimetinshe, tehnıkalyq quraldardy qoldaný barysynda kóliktiń jasyryn bólikterinen kúdikti zat salynǵan 36 qap tabylǵan. Qaptardyń bir bóliginde «999» tańbasy bolǵan.

- Júrgizilgen saraptama nátıjesinde tárkilengen zattardyń jalpy salmaǵy 30 keliden asatyny jáne olardyń esirtki ekeni anyqtaldy. Atap aıtqanda, 0,999 keli geroın, 3,620 keli apıyn jáne 25,949 keli gashısh tárkilendi, - delingen aqparatta.

Atalǵan derek boıynsha sheteldik azamat ustalyp, oǵan qatysty sotqa deıingi tergep-tekserý amaldary júrgizilip jatyr.

Qylmystyq-protsestik kodekstiń 201-babynyń 1-bóligine sáıkes ózge aqparat jarııa etýge jatpaıdy.

Aıta keteıik, Taldyqorǵanda sıntetıkalyq esirtki saqtaǵan Aqtóbe oblysynyń turǵyny ustaldy.