EGov jáne birqatar elektrondy qyzmetter ýaqytsha istemeıdi
ASTANA. KAZINFORM – 20 naýryz kúni saǵat 23:00-den 21 naýryz saǵat 08:00-ge deıin tehnıkalyq jumystar júrgizilýine baılanysty, EGov jáne birqatar elektrondy qyzmetter ýaqytsha istemeıdi. Bul týraly «Ulttyq aqparattyq tehnologııalar» AQ málim etti.
— Ýaqyt aralyǵy paıdalanýshylardyń eń az belsendiligi eskerile otyryp tańdaldy, bul múmkin bolatyn qolaısyzdyqtardy barynsha azaıtýǵa múmkindik beredi, — delingen habarlamada.
Osy kezeńde kelesi memlekettik elektrondyq servısterdiń jumysy ýaqytsha shekteledi:
- eGov.kz portaly men eGov mobile mobıldi qosymshasy («Tsıfrlyq qujattar» servısin qosa alǵanda);
- e-Otinish, E-license portaldary jáne Ashyq úkimet júıeleri;
- Qazaqstan Respýblıkasynyń Ulttyq kýálandyrýshy ortalyǵy (UKO) servısteri;
- «UAT» AQ súıemeldeıtin ózge de jobalar;
- Elektrondyq úkimet shlıýzi arqyly ıntegratsııalanǵan ekinshi deńgeıli bankterdiń mobıldi qosymshalaryndaǵy jáne basqa júıelerdegi memlekettik qyzmet kórsetý servısteri.
Osyǵan baılanysty, «UAT» AQ barlyq qajetti operatsııalardy aldyn ala aıaqtaýdy jáne tehnıkalyq jumystar kezinde qujattardy usyný qajet bolǵan jaǵdaıda olardyń túpnusqalaryn daıyndaýdy usynady.
Eske sala keteıik, buǵan deıin eGov-taǵy «STOP-nesıe» arqyly 1,4 mln qazaqstandyq syrttaı qaryz rásimdeý múmkindigin buǵattaǵanyn jazǵan edik.