Jambyl oblysynda sharýalardy sýmen qamtýǵa bólingen qarajat jymqyrylǵan
TARAZ. KAZINFORM - Jambyl oblysy Sarysý aýdanynyń prokýratýrasy 38,1 mln teńge kólemindegi sharýa qojalyqtaryn sýmen qamtýǵa arnalǵan sýbsıdııa qarajattyń jymqyrý faktisin anyqtady.
Jambyl oblysy ákimdiginiń aýyl sharýashylyǵy basqarmasymen sýbsıdııalanǵan aýdandaǵy 8 sharýashylyqta burǵylanǵan qudyqtardyń tereńdigi jobalyq-smetalyq qujattamada kórsetilgen parametrlerge sáıkes kelmeıtini anyqtaldy.
Otlystyq prokýratýra 30 sáýirde atalǵan derek boıynsha QK-niń 190-babynyń 4-bóliginiń 2-tarmaǵyna sáıkes (asa iri kólemdegi alaıaqtyq) sotqa deıingi tergep-tekserý bastalǵanyn habarlady.
Tergeý Jambyl oblysy boıynsha Ekonomıkalyq tergep-tekserý departamentine tapsyryldy.
QPK-niń 201-babyna sáıkes tergeý múddesi úshin ózge aqparat jarııa etilmeıdi.
Aıta keteıik, Jambyl oblysynda Jańaótkel aýyly taza aýyz sýmen qamtamasyz etildi.