Jambyl oblysynda 8 jyl buryn bolǵan qaraqshylyq qylmys ashyldy
ASTANA. KAZINFORM — Jambyl polıtseıleri segiz jyl burynǵy qaraqshylyq shabýylǵa qatysy bar adamdy ustady.
Іshki ister mınıstrlininiń málimetinshe, 2018 jyly Merki aýdanyndaǵy avtojoldardyń birinde belgisiz er adam áıelge shabýyl jasap, kúsh qoldanǵan. Qylmysker jábirlenýshini uryp-soǵyp, altyn áshekeılerin tartyp alyp, oqıǵa ornynan qashyp ketken.
— Oqıǵadan keıin polıtsııa qyzmetkerleri jedel-izdestirý jáne tergeý jumystaryn júrgizgen. Jábirlenýshiniń bergen sıpattamasy boıynsha kúdiktiniń fotoroboty jasalǵanymen, sol kezde onyń kim ekeni anyqtalmaǵan. Alaıda qylmysty ashý boıynsha jumys toqtatylmaǵan, — delingen habarlamada.
Arada segiz jyl ótken soń ashylmaǵan isterdi qaıta zerdeleý barysynda polıtseılerdiń biri fotorobottaǵy adamdy tanyǵan. Osy derek boıynsha júrgizilgen jedel sharalardyń nátıjesinde kúdiktiniń jeke basy anyqtalyp, onyń júrgen jeri belgili bolǵan.
Prokýratýranyń úılestirýimen polıtsııa 41 jastaǵy er adamdy ustady.
Qazirgi ýaqytta atalǵan fakti boıynsha QR Qylmystyq kodeksiniń 192-baby 1-bóligi (qaraqshylyq) boıynsha sotqa deıingi tergeý júrgizilip jatyr.
Eske salaıyq, buǵan deıin Qaraǵandyda qaraqshylyq shabýyl men urlyq jasaǵan er adam ustalǵanyn habarlaǵan edik.
