Jambyl oblysynda sańyraýqulaq ınfektsııasyn juqtyrǵandardyń 60 paıyzy balalar
ASTANA. KAZINFORM – Jambyl oblysynda jyl saıyn dermatomıkozdyń shamamen 300 jaǵdaıy tirkeledi. Bul aýrý boıynsha epıdemıologııalyq ahýal úsh aýdanda jáne Taraz qalasynda máz emes, dep habarlaıdy Kazinform tilshisi.
Dermatomıkoz – teri men shashty zaqymdaıtyn juqpaly sańyraýqulaq aýrýlarynyń toby. Oǵan trıhofıtııa men mıkrosporııa jatady. Mamandar mıkrosporııany balalar arasynda jıi kezdesetin teri sańyraýqulaq ınfektsııalarynyń biri dep ataıdy.
Infektsııany naýqas adamnan da, janýardan da juqtyrýǵa bolady. Bul rette tikeleı baılanys mindetti emes. Aýrý ortaq taraq, tósek-oryn jabdyqtary, jóke jáne basqa da turmystyq zattar arqyly taralýy múmkin.
Mıkrosporııa kezinde teride qabyrshaqtanatyn, azdap qyshıtyn qyzǵylt-qyzyl tústi saqına tárizdi daqtar paıda bolýy yqtımal. Eger bas terisi zaqymdansa, shash synǵysh keledi.
Sala mamandary bóten adamnyń taraǵyn paıdalanbaýǵa, al úıdegi mysyqtar men ıtterdi veterınarǵa kórsetip, tekserýden ótkizýge keńes beredi. Monsha men saýnaǵa barǵan kezde jabyq rezeńke shárke kıgen jón.
Buǵan deıin Petropavl qalasynda temiretki juqtyrdy degen kúdikpen segiz stýdent aýrýhanaǵa jatqyzylǵany habarlandy.
