Jambyl oblysynda salyqtan jaltarǵan kompanııadan 1,1 mlrd teńge óndirildi

TARAZ. KAZINFORM – Jambyl oblysynda iri kásiporynnyń salyq mindettemelerin tómendetý belgileri anyqtalyp, nátıjesinde memleket kirisine 1,1 mlrd teńge óndirildi.

Qadaǵalaý organy iri salyq tóleýshilerdiń qyzmetin taldaý barysynda paıdaly qazbalardy óndirýge mamandanǵan kompanııa jumysyna qatysty zańbuzýshylyqtardy anyqtaǵan.

Belgili bolǵandaı, kásiporyn baǵaly qaǵazdar boıynsha tólemderdi negizsiz ulǵaıtyp, olardy salyqtyq shegerimderge jatqyzǵan. Sonymen qatar kompanııanyń jyldyq tabysy shyǵarylǵan oblıgatsııalar qunynan tómen bolǵan. Bul korporatıvtik tabys salyǵyn tóleýden jaltarý belgilerin kórsetken.

Prokýratýranyń usynýy boıynsha salyqtyq tekserý júrgizilip, anyqtalǵan derekter rastaldy. Sonyń nátıjesinde memleket kirisine 1,1 mlrd teńge óndirildi.

Buǵan deıin Jambyl oblysynda qaýipti qaldyqtardy kádege jaratý kezinde zańbuzýshylyqtar anyqtalyp, 5 mln teńge kóleminde aıyppul salynǵany týraly jazylǵan bolatyn.