Jambyl oblysynda prokýrorlar ınvestordyń artyq tólegen 1,9 mlrd teńgesin qaıtarýǵa yqpal etti

ASTANA. KAZINFORM – Jambyl oblysynda prokýrorlyq yqpal etý sharalary arqyly oblystaǵy iri ınvestor «Kazfosfat» JShS-ne tabıǵatqa emıssııa salyǵynyń artyq tólengen somasyn qaıtarýǵa kómek kórsetildi.

Jambyl oblsytqy prokýratýrasy baspasóz qyzmetiniń habarlaýynsha, qaýipti jáne qaýipti emes qaldyqtardy kómý úshin jergilikti atqarýshy organdar tarıftik mólsherlemeni bekitken. 

Alaıda Taraz qalasynda mólsherleme bekitilmeı, seriktestikten 2022 jyldyń 1 qańtary men 2023 jyldyń 9 aqpany aralyǵynda tólemder turaqty túrde alynyp otyrǵan. 

Keıin anyqtalǵandaı, tólemder normadan asyp, kásiporyn 1,9 mlrd teńgeni artyq tólegen.

Degenmen Taraz qalasy boıynsha Memlekettik kirister basqarmasy ınvestorǵa salyqtyń tıisti túri boıynsha aldyńǵy tólemderge artyq tólengen somany qaıtarýdan jáne esepke alýdan negizsiz jáne birneshe ret bas tartqan.

Nátıjesinde, engizilgen prokýrorlyq den qoıý aktisi boıynsha ınvestordyń bolashaq tólemderine artyq tólengen 1,9 mlrd teńge somasy esepke alynyp, kináli laýazymdy tulǵa tártiptik jaýapkershilikke tartyldy.

Sol sııaqty, qazirgi tańda oblysta emıssııasy úshin 3 mlrd teńgeden astam somany eki esege artyq tólegen 45 kásipker anyqtaldy.Osy faktilerdiń barlyǵy boıynsha prokýrorlyq qadaǵalaý aktileri engizildi.

Kásipkerlik sýbektileriniń quqyqtaryn qorǵaý prokýratýra organdarynyń erekshe baqylaýynda.