Jambyl oblysynda prokýratýra aralasqan soń 146 jumysshynyń jalaqysy tólendi

ASTANA. KAZINFORM —  Jambyl oblysy prokýrorlarynyń aralasýynan keıin jalaqy boıynsha bereshek óteldi. 

Baızaq aýdanynyń prokýratýrasy eńbek zańnamasynyń saqtalýyna taldaý júrgizdi.

«Baızaq sý» ShJQ MKK qarjylyq shyǵyndaryn negizsiz josparlaý nátıjesinde aǵymdaǵy jyldyń maýsym aıynda 18,2 mln teńgege 146 jumysshylardyń aldynda bereshek paıda bolǵany anyqtaldy.

Prokýratýranyń qadaǵalaý aktisi negizinde jalaqy boıynsha bereshek tolyǵymen óteldi, al kináli tulǵalar tártiptik jaýapqa tartyldy.

Bıyl Jambyl oblysynyń prokýratýrasy ýákiletti memlekettik organdarmen birlesip qabyldaǵan sharalardyń nátıjesinde 1 213 jumysshy aldynda jalaqy boıynsha 241 mln teńge bereshekti óteý qamtamasyz etildi.

Jalpy óńir prokýrorlary 16 myńnan astam jumysshylardyń eńbek quqyqtaryn qorǵady.

Aıta ketelik Atyraýda memlekettik balabaqsha qyzmetkerleri 3 aıdan beri jalaqy almaǵany týraly jazǵan edik.