Jambyl oblysynda probatsııa talaptaryn buzǵan eki azamat túzeý mekemesine jiberildi
ASTANA. KAZINFORM — Jambyl oblysynda probatsııa talaptaryn buzǵandar bas bostandyǵynan aıyrý jazasyn óteýge jiberildi.
«Qaıtalama quqyq buzýshylyqtardyń aldyn alý» jobasyn iske asyrý aıasynda Sarysý aýdanynyń prokýratýrasy probatsııa qyzmetiniń esebinde turǵan adamdarǵa sot júktegen mindetterdiń oryndalýyna tekserý júrgizdi.
Tekserý nátıjesinde QR QK-niń 346-babynyń 1-bóligi boıynsha 1 jyl merzimge bas bostandyǵyn shekteý jazasyna sottalǵan azamattyń jazany óteý kezeńinde QR ÁQBtK-niń 440-baby boıynsha alkogoldik ishimdikterdi ishý nemese qoǵamdyq oryndarǵa masań kúıde kelý faktileri úshin eki ret ákimshilik jaýaptylyqqa tartylǵany anyqtaldy.
Sonymen qatar, ol probatsııa qyzmetine josparly tirkelýge dáleldi sebepsiz kelmegeni úshin eki ret eskertý alǵan.
Probatsııa qyzmetiniń bas bostandyǵyn shekteý jazasyn neǵurlym qatań jaza túrine aýystyrý týraly usynymyn qaraý barysynda birinshi satydaǵy sot ony qanaǵattandyrýdan bas tartqan.
Atalǵan sot qaýlysyna aýdan prokýratýrasy apellıatsııalyq ótinishhat engizip, ony qaraý qorytyndysy boıynsha Jambyl oblystyq sotynyń qaýlysymen sottalǵan azamat bas bostandyǵynan aıyrylyp, jazasyn óteý úshin túzeý mekemesine jiberildi.
Sol sııaqty, aýdan prokýratýrasynyń bastamasymen taǵy bir sottalǵan azamatqa qatysty jaza naqty bas bostandyǵynan aıyrý jazasyna aýystyryldy.
Aıta ketelik sottalǵandardyń kóbi 500 myń teńge jalaqysy bar jumys suraıtyny týraly jazǵan edik.
