Jambyl oblysynda poıyz relsten shyǵyp ketti

TARAZ. KAZINFORM – Tótenshe jaǵdaı T.Rysqulov aýdanyndaǵy Túrksib stantsııasynda boldy.

Júk poıyzy júrip kele jatqanda quram relsten shyǵa bastaǵan. Vagondardyń bári qulamaı turyp, quram toqtatyldy. Relsten tek aldyńǵy úsh vagon ǵana shyqqan.

«Qazaqstan temir joly» UK» aktsıonerlik qoǵamynyń aqparatynsha, vagondardyń barlyǵy jeke adamdardyń ıeliginde bolǵan. Zardap shekkender men qurbandar joq.

Tótenshe oqıǵanyń saldaryn joıý úshin oqıǵa ornyna Taraz ben Shý qalalarynan jedel túrde qalpyna keltirý poıyzdary jiberildi.

Oqıǵanyń sebep-saldary anyqtalyp jatyr.

Osyǵan deıin Qaraǵandy oblysynda vagon relsten shyǵyp ketkeni týraly jazdyq.