Jambyl oblysynda júrgizýshiler elden zańsyz janarmaı shyǵarý úshin kólikti qaıta jabdyqtaǵan
ASTANA. KAZINFORM - Іshki ister mınıstrligi janar-jaǵarmaı materıaldaryn zańsyz shyǵarýdyń jolyn kesýge baǵyttalǵan jedel-profılaktıkalyq is-sharalardy turaqty túrde júrgizip jatyr, – dep habarlaıdy Polisia.kz.
Jambyl oblysynyń Qordaı aýdanynda jekelegen azamattardyń avtokólikterdi zańsyz qaıta jabdyqtap, qosymsha janarmaı baktaryn ornatý shemasyn uıymdastyrǵany anyqtaldy. Osy arqyly olar otyndy ruqsat etilgennen mol kólemde áketip, keıin qaıta satady. Jyl basynan beri Jambyl oblysynda osyndaı 300-den astam quqyqbuzýshylyq faktisiniń joly kesildi.
Barlyq zańbuzýshylyqtar der kezinde toqtatyldy.
-Kináli júrgizýshiler jaýapqa tartylyp, memlekettik tirkeý nómirleri alynyp, anyqtalǵan kemshilikter tolyq joıylǵanǵa deıin avtokólikter arnaıy aıyp turaqtaryna qoıylady. Zańsyz ornatylǵan qurylǵylar tekserý barysynda birden májbúrlep alynady. Sonymen qatar kólik quraldaryn zańsyz qaıta jabdyqtaǵany, sondaı-aq tıisti tirkeýsiz jáne ruqsat qujattarynsyz olarǵa qyzmet kórsetkeni úshin tehnıkalyq qyzmet kórsetý stantsııalarynyń ıeleri de ákimshilik jaýapkershilikke tartylyp jatyr, delingen habarlamada.
Bul baǵyttaǵy jumys júıeli túrde júrgizilip jatyr jáne oblystyń barlyq shekaralyq aýdandarynda jalǵasady.
Osyǵan deıin Túrkistan oblysynda keden qyzmetkerleri 9 tonnadan astam janarmaı tárkilegeni týraly jazdyq.
