Jambyl oblysynda polıtsııa qyzmetkeri jol apatynan qaza tapty

ASTANA. KAZINFORM — 23 sáýirinde Jambyl oblysynda jol-kólik apaty saldarynan polıtsııa qyzmetkeri qaza tapty.

Jambyl oblysy PD patrýldik polıtsııa batalonynyń ınspektory, aǵa leıtenant Nurjan Dúnbaev qyzmettik mindetin atqarý kezinde jol-kólik oqıǵasynan qaza tapty.

Polıtsııa qyzmetkeriniń týystary men jaqyndaryna ol jumys istegen polıtsııa departamenti men Іshki ister mınıstri Erjan Sádenov kóńil aıtty.

— Qyzmettik mindetterin atqarý kezinde JKO-da qaza tapqan Jambyl oblysy Polıtsııa departamenti patrýldik polıtsııa batalonynyń ınspektory, polıtsııa aǵa leıtenanty Nurjan Dúnbaevtyń týystary men jaqyndaryna kóńil aıtamyn. Onyń esimi áriptesteriniń jadynda máńgi qalady. Іshki ister mınıstrligi onyń otbasyna qajetti qoldaýdy kórsetedi. Ekıpajdyń ekinshi qyzmetkeri patrýldik polıtsııa ınspektory Bekzat Sotaevtyń tezirek saýyǵyp ketýin tileımin, — dep jazdy voemstvo basshysy.

Aıta ketelik astanalyq polıtseı jattyǵý zalynan shyqqannan keıin esinen tanyp, sol jerde kóz jumǵan edi.