Jambyl oblysynda polıtsııa bólimi basshysynyń orynbasary ustaldy

TARAZ. KAZINFORM –  Prokýratýra Baızaq aýdany polıtsııa bólimi bastyǵynyń orynbasaryna qatysty QK-niń 433-babynyń 2-bóligi boıynsha aýyr sanattaǵy qylmysty qasaqana jasyrdy degen kúdik boıynsha sotqa deıingi tergep-tekserýdi bastady.

- Qylmysty jasyrý aýdan aýmaǵynda bolǵan 10 700 000 teńge qarajatty jymqyrýǵa qatysty aryzdy Sotqa deıingi tergep-tekserýlerdiń biryńǵaı tizilimine tirkemeý arqyly júzege asyrylǵan. Jınalǵan dáleldemelerdiń jıyntyǵymen kúdiktiniń is-áreketi QK-niń 433-baby 3-bóliginiń 2) tarmaǵymen saralandy (aýyr qylmysty adamdar tobynyń aldyn ala sóz baılasýymen jasyrý), - delingen Jambyl oblysynyń prokýratýrasy málimdemesinde.

Kúdikti polıtsııa qyzmetkeri QPK-niń 128-131-baptaryna sáıkes ustalyp, oǵan qatysty sot «kúzetpen ustaý» túrindegi bultartpaý sharasyn sanktsııalady.

Sotqa deıingi tergep-tekserý jalǵasyp jatyr.

QPK-niń 201-babyna sáıkes ózge aqparat jarııalanýǵa jatpaıdy.

Eske salsaq elorda prokýratýrasy óndiristi jolǵa qoımaq bolǵan ınvestorlarǵa kedergi keltirý jaǵdaılaryn anyqtaǵan edi.