Jambyl oblysynda polıtseı ózine qol jumsady
ASTANA. KAZINFORM – Qazir sýıtsıdke ákelýdiń mán-jaıy anyqtalyp jatyr. Bul aqparatty Jambyl oblystyq polıtsııa departamentiniń baspasóz qyzmeti rastady.
- Sýıtsıdke jetkizý baby boıynsha sotqa deıingi tergeý bastaldy. Tergeýdiń obektıvtiligi men mán-jaıdy anyqtaýǵa baǵyttalǵan barlyq tergeý-jedel is-sharalary júrgizilip jatyr, - delingen habarlamada.
Osy oraıda Jambyl oblystyq polıtsııa departamenti Qylmystyq-protsestik kodekstiń 201-babyna sáıkes ózge aqparat tergeý múddesine sáıkes jarııa etýge jatpaıtynyn habarlady.
Kúni keshe Jambyl oblysynda polıtseı qyzmettik mindetin atqarý kezinde qaza tapqany týraly habarlaǵan edik.
«Almaty-Tashkent» avtojolynyń 203-shaqyrymynda «Volkswagen Passat» markaly avtokóliktiń júrgizýshisi qarama-qarsy qozǵalys jolaǵyna shyǵyp ketip, bekitilgen aýmaqta jol qaýipsizdigin qamtamasyz etip júrgen patrýldik avtokóligimen soqtyǵysqan.
Aıta ketsek, taıaýda elordada polıtsııa qyzmetkeri kóz jumdy. Astanalyq tártip saqshysy jattyǵý zalynan shyqqannan keıin esinen tanyp, sol jerde qaıtys boldy.