Jambyl oblysynda pırotehnıkalyq ónimderge qatysty reıd bastaldy
TARAZ. KAZINFORM — Jambyl oblysynda pırotehnıkalyq ónimderdi zańsyz satý faktilerin anyqtaý jáne aldyn alý maqsatynda profılaktıkalyq reıd bastaldy.
Taraz qalasynyń bazarlary men saýda oryndarynda memlekettik órt baqylaý basqarmasynyń qyzmetkerleri men polıtsııa qyzmetkerleri birlesip reıd júrgizdi.
Shara barysynda qaýipsizdik talaptaryna sáıkes kelmeıtin pırotehnıkalyq buıymdardy zańsyz satý faktisi anyqtaldy. Anyqtalǵan quqyqbuzýshylyq boıynsha qoldanystaǵy zańnamaǵa sáıkes tıisti sharalar qabyldandy.
— Mereke kúnderi qarsańynda Jambyl oblysynyń Tótenshe jaǵdaılar departamenti óńir turǵyndary men qonaqtaryn órt qaýipsizdigi erejelerin qatań saqtaýǵa shaqyrady. Sonymen qatar pırotehnıkalyq ónimderdi tek mamandandyrylǵan ári lıtsenzııalanǵan saýda oryndarynan satyp alýǵa keńes beredi, — delingen aqparatta.
Osyǵan deıin otshashýdy qalaı zańdy, ári qaýipsiz qoldanýǵa bolatyny týraly jazdyq.