Jambyl oblysynda paıdaly qazbalar óndiretin kompanııa salyq zańnamasyn buzǵan

ASTANA. KAZINFORM — Jambyl oblysy óńirindegi iri kásiporyndarynyń birinde salyq tóleýden jaltarý faktisi anyqtaldy, dep habarlaıdy oblystyq prokýratýranyń baspasóz qyzmeti.

Іri salyq tóleýshilerdiń qyzmetin prokýrorlar taldaý barysynda paıdaly qazbalardy óndirýge mamandanǵan kásiporynnyń áreketterinen salyq mindettemelerin tómendetý deregi anyqtaldy. Atap aıtqanda, kompanııa baǵaly qaǵazdar boıynsha tólemderdi negizsiz ulǵaıtyp, olardy salyqtyq shegerimderge jatqyzǵan.

Sonymen qatar kompanııanyń jyldyq tabysy shyǵarylǵan oblıgatsııalardyń qunynan tómen bolǵan, bul korporatıvtik tabys salyǵyn tóleýden jaltarý belgilerin kórsetken.

— Oblys prokýratýrasynyń usynýy boıynsha salyqtyq tekserý júrgizilip, anyqtalǵan buzýshylyqtar rastaldy jáne onyń nátıjeleri boıynsha bıýdjetke 1,1 mlrd teńge óndirildi. Salyq zańnamasynyń saqtalýy jáne bıýdjettiń ýaqtyly tolyqtyrylýy máseleleri oblys prokýratýrasy organdarynyń erekshe baqylaýynda, — delingen habarlamada.

Budan buryn salyq bereshegin óndirý tártibi jeńildetilgeni belgili boldy.