Jambyl oblysynda para alǵany úshin Ekologııa departamentiniń basshysy sottaldy

TARAZ. KAZINFORM — Taraz qalasynyń soty Jambyl oblysy boıynsha ekologııa departamentiniń basshysy T.Smaǵulov, «Taraz metallýrgııa zaýyty» JShS Bas dırektorynyń orynbasary B.Polatbekov jáne osy kásiporynnyń ekology M. Asanǵa qatysty úkimdi jarııalady.

— Smaǵulov para alǵany úshin, al zaýyt ókilderi ekologııalyq zańnamanyń saqtalýyn tekserý kezinde buzýshylyqtardy joıýǵa múmkindik bergeni, jalpy qamqorlyǵy jáne para bergeni úshin kináli dep tanyldy, — delingen habarlamada.

Smaǵulov, Polatbekov sondaı-aq Asanǵa jalpy somasy 24 mln teńge aıyppul salyndy. 

Budan basqa, olar memlekettik qyzmette jáne kvazımemlekettik sektor sýbektilerinde laýazymdardy atqarý quqyǵynan ómir boıyna aıyrylady.

Sot aktisi zańdy kúshine endi.

Aıta keteıik, buǵan deıin Jambyl oblysynda mamandar daıarlaýǵa bólingen 25,5 mln teńgeni jymqyrǵan bolatyn.