Jambyl oblysynda ómirlik qıyn jaǵdaıǵa tap bolǵan balalar kólik júrgizýshilerine hat jazdy
TARAZ. KAZINFORM – Jambyl oblysynda polıtsııa qyzmetkerleri respýblıkalyq mańyzy bar joldarda «Ómirlik qıyn jaǵdaıdaǵy balalardy qoldaý ortalyǵynyń» tárbıelenýshilerimen kezdesip, joldarda qaýipsiz júrip-turý erejeleri týraly aıtyp berdi. Bul týraly Polisia.kz jazdy.
«Qyzmetkerler joldaǵy sıgnaldardy tanýdy úıretip, patrýldik kólikti, taqyryptyq plakattardy kórsetti. Aktsııanyń jalǵastyra otyryp, tárbıeshiler balalarǵa joldardaǵy apattylyqqa eresekterdiń nazaryn aýdarý maqsatynda júrgizýshilerge hat jazyp, olarǵa jeke tapsyrýdy usyndy. Іs-shara barysynda balalar joldaǵy árbir kishkentaı jolaýshynyń qaýipsizdigin qamtamasyz etýge, olarmen kólikte nemese jol boıynda júrgende qaýipsizdigin qamtamasyz etýge shaqyrdy», — delingen habarlamada.
Olar «Júrgizýshi, umytpa, sen jaqyndaryńa kereksiń», «Júrgizýshi, asyqpa, balalardyń ómirin saqta», «Júrgizýshi, balanyń ómirin oıla!», «Vodıtel, beregı jızn rebenka», «Vodıtel, sohranı moıý jızn», «Áke, aqyryn júr, biz seni kútemiz» degen maǵynaly úndeýler jazylǵan plakattar arqyly júrgizýshilerdiń nazaryn aýdardy. Іs-shara kezinde qatysýshy balalar joldyń jıegindegi qaýipsiz jerde turdy.
Polıtsııa qyzmetkerleri kólikterdi toqtatty, al olardyń kishkentaı kómekshileri kólik júrgizýshilerimen áńgimelesip, olarǵa jol apattary saldarynan bolatyn jaǵdaılar týraly hattaryn tapsyrdy. Kishkentaı bolsa da taǵdyr taýqymetin bastan keshken balalar óz hattarynda birde-bir bala jetim qalmaýyn, barsha balanyń baqytty balalyq shaǵy bolýyn tiledi.
— Meniń ata-anam joq. Men basqa balalardyń da ákesiz, anasyz óskenin qalamaımyn, — delingen hattardyń birinde.
Jyl basynan beri oblysta balalardyń qatysýymen 32 jol-kólik oqıǵasy tirkelip, kámeletke tolmaǵan 7 bala qaza tapty, 59-y jaraqat alǵan. Jambyl oblysynyń polıtsııa departamenti kólik júrgizýshilerine qaýipsiz kólik júrgizý mádenıetiniń mańyzdylyǵyn eske salady.
«Keıbir júrgizýshilerdiń jaýapsyzdyǵynan beıkúná balalar japa shegip otyr. Negizgi qaýipsizdik sharalaryn saqtaı otyryp, Siz jolda birneshe apattyń aldyn alýǵa jáne adamdardyń ómirin saqtaýǵa múmkindik jasaıtynyńyzdy umytpańyz!», — dep eskertti polıtsııa departamenti.
