Jambyl oblysynda nekege turý kórsetkishi ajyrasýdan alty ese joǵary
ASTANA. KAZINFORM – Jambyl oblysynda halyq sanynyń tabıǵı ósimi saqtalyp otyr. 2025 jyldyń qorytyndysy boıynsha óńirde dúnıege kelgender sany qaıtys bolǵandardan birneshe ese kóp, al nekege turǵandar ajyrasqandardan aıtarlyqtaı asyp tústi.
«Azamattarǵa arnalǵan úkimet» memlekettik korporatsııasy oblystyq fılıalynyń málimetinshe, ótken jyly óńirde 26 625 sábı dúnıege kelgen. Al osy kezeńde 6 655 ólim jaǵdaıy tirkelgen. ıAǵnı bir qaıtys bolǵan adamǵa shamamen tórt jańa týǵan sábı sáıkes keledi.
Otbasylyq statıstıkada da uqsas úrdis baıqalady. 2025 jyly Jambyl oblysynda 6 030 neke qıylǵan, al ajyrasý sany 1 035-ti quraǵan. Bul árbir altynshy neke ǵana buzylatynyn kórsetedi.
Jalpy 2025 jyldyń 12 aıynda óńirde azamattyq hal aktilerin tirkeý salasynda 54 370 memlekettik qyzmet kórsetilgen. Sonyń ishinde saltanatty formattaǵy qyzmetterge suranys artqan. Bir jyl ishinde 165 saltanatty neke qııý rásimi jáne 66 jańa týǵan sábıge kýálik tabystaý rásimi ótkizilgen.
Saltanatty neke tirkeý zaldary Taraz qalasynda, sondaı-aq Qordaı, Shý jáne Turar Rysqulov aýdandarynda jumys isteıdi.
Buǵan deıin Kazinform Qazaqstandaǵy demografııalyq ahýalǵa qatysty materıal jarııalaǵan bolatyn.
