Jambyl oblysynda natrıı tsıanıdin óndiretin jańa zaýyt salynady
Jambyl oblysynyń ákimi Erbol Qarashókeev «Altynalmas Reagents» JShS dırektory Ýálıhan Atageldıevti qabyldady. Kezdesýde «Taraz hımııalyq parki» AEA aýmaǵynda natrıı tsıanıdin óndirý jobasyn júzege asyrýdyń barysy talqylandy, dep habarlaıdy Kazinform.
Jobanyń jyldyq qýattylyǵy 25 myń tonnany quraıdy. Zaýyttyń qurylysyna 250 adamdy tartý josparlanyp otyr. Al paıdalaný kezinde 100-den astam jańa jumys orny ashylady dep kútilýde. Zaýyt iske qosylǵannan keıin kásiporyn natrıı pırosýlfıti men kaýstıkalyq soda óndirisin jolǵa qoımaq.
Kezdesý barysynda sondaı-aq, sabaqtas óndiristerdi qurý, ónimdi ótkizýdi jolǵa qoıý jáne eksporttaý máseleleri de talqylandy.
Buǵan deıin Tarazda Qazaqstan men Qyrǵyzstan Úkimetteri basshylary kezdesip jatqanyn habarlaǵan bolatynbyz.
