Jambyl oblysynda mototsıkl men moped júrgizýshilerine jappaı aıyppul salyndy

TARAZ. KAZINFORM – Jambyl oblysynda 100-ge jýyq moped aıyp turaqtaryna qoıylyp, ondaǵan júrgizýshi kýáliksiz jáne qujatsyz qaldy, dep habarlaıdy Kazinform tilshisi Jambyl oblystyq polıtsııa departamentiniń baspasóz qyzmetine silteme jasap.

Atalǵan departament basqarmasy oblysta mopedterge, motorollerlerge jáne mototsıklderge baqylaý kúsheıtilgenin túsindirdi. Polıtsııa qyzmetkerleri eki dońǵalaqty kólik júrgizýshileri arasynda jol-kólik oqıǵalarynyń aldyn alý jáne tártipti arttyrý maqsatynda reıdtik is-sharalar ótkizip jatyr. 

– Úsh kúnniń ishinde polıtseıler mototsıkl júrgizýshileriniń 236 jol erejesin buzǵanyn anyqtady. 5 júrgizýshi mas kúıinde, 57 azamat júrgizýshi kýáliginsiz nemese talap etiletin sanatsyz kólik júrgizgeni úshin ustaldy. Sondaı-aq jalǵan nómirlerdi paıdalanǵany úshin 8 adam, moped nemese skýterdi tirkeýsiz júrgizgen 21 adam jaýapkershilikke tartyldy, - delingen habarlamada. 

Tekserý nátıjesinde túrli zań buzýshylyqqa jol bergen 99 avtokólik arnaıy turaqtarǵa ornalastyryldy. 

Buǵan deıin Jambyl oblysyndaǵy shekaradan 233 mln teńgeniń temekisin jasyryp ótkizýge árekettengender ustalǵan bolatyn.