Jambyl oblysynda merziminen buryn shartty túrde bosatylǵan turǵyn qamaýǵa alyndy
ASTANA. KAZINFORM — Merziminen buryn shartty túrde bosatylǵan Sarysý aýdanynyń turǵyny keshki saǵat 22:00–ge deıin úıinde bolýy tıis edi. Alaıda polıtsııa qyzmetkerleri tekserýge kelgende, ony úıinen tappaǵan. Ol zań talaptaryn osymen ekinshi ret buzǵan.
Ótken aıda polıtsııa qyzmetkerleri saǵat 22:30–da tekserý júrgizgen kezde de shartty túrde merziminen buryn bosatylǵan er adamnyń úıde joq ekeni anyqtalǵan. Sot otyrysynda ol sol kúni keshke kórshileriniń monshasynda bolǵanyn jáne ýaqytqa qaramaǵanyn túsindirdi. Er adam óz kinásin moıyndady.
Belgili bolǵandaı, ol bıyl shilde aıynda ǵana merziminen buryn shartty túrde bosatylǵan. Oǵan probatsııalyq baqylaý belgilenip, birqatar shekteý qoıylǵan. Sonyń ishinde keshki saǵat 22:00–den keshikpeı úıde bolýy mindettelgen. Tamyz aıynda osy talapty buzǵany úshin jaýapkershilikke tartylǵan.
Qaıtalanǵan quqyqbuzýshylyq Ákimshilik quqyq buzýshylyq týraly kodekstiń 480-babynyń 2-bóligi boıynsha qaraldy. Bul bapta 20 aılyq eseptik kórsetkish (2026 jyly — 86 500 teńge) mólsherinde aıyppul salý nemese 15 táýlikke deıin ákimshilik qamaqqa alý jazasy kózdelgen.
Sot jeńildetetin de, aýyrlatatyn da mán-jaılardy anyqtamady. Soǵan qaramastan, er adamǵa ákimshilik qamaqtyń eń uzaq merzimi — 15 táýlik taǵaıyndaldy.
Sot qaýlysy zańdy kúshine endi.
Buǵan deıin probatsııa esebindegi qyzylordalyq sot zalynan qamaýǵa alynǵan bolatyn.
