Jambyl oblysynda merzimdi áskerı qyzmettegi sarbaz qaza boldy

ASTANA. KAZINFORM — Búgin 27 qańtarda Jambyl oblysynda merzimdi áskerı qyzmettegi sarbaz qarýdy ustap júrgen kezde jaraqat alyp, kóz jumdy, dep habarlaıdy QR Bas prokýratýrasynyń baspasóz qyzmeti.

Osy oqıǵaǵa baılanysty Іshki ister mınıstrliginiń áskerı-tergeý organdary sotqa deıingi tergep-tekserýdi bastady.

— Jedel-tergeý toby qurylyp, tergeý barysy Bas Prokýrordyń jeke baqylaýynda. Oqıǵanyń aldyndaǵy mán-jaılardy obektıvti jáne jan-jaqty (komıssııalyq) anyqtaý maqsatynda Qorǵanys mınıstriniń orynbasary, Bas áskerı prokýror jáne ІІM Áskerı-tergeý departamentiniń bastyǵy oqıǵa ornyna shyqty.  Sonymen qatar, bul toptyń aldyna elimizdiń tıisti áskerı bólimderinde áskerı tártiptiń saqtalýy men jeke quramnyń qaýipsizdik talaptarynyń saqtalýyna jan-jaqty tekserýdi uıymdastyrý tapsyryldy, — delingen habarlamada.

Budan bólek, áskerı qyzmetshilerdiń ómiri men densaýlyǵyn saqtaý, merzimdi qyzmetti ótkerý qaýipsizdigi máseleleri jaqyn arada Bas prokýratýranyń arnaıy Alqa májilisinde qaralatyn bolady.  

Osyǵan deıin 25 qańtarda Óskemendegi áskerı bólimderdiń birinde merzimdi qyzmettegi sarbaz kóz jumǵanyn jazǵan edik.