Jambyl oblysynda memleketten zańsyz 321 mln teńge sýbsıdııa alǵan basshylar sottaldy

TARAZ. KAZINFORM —   Jambyl oblysynyń prokýratýrasy «Merki tájirıbe sharýashylyǵy» JShS men «Jemis-jıdek» JShS qyzmetine tekserý júrgizip, asa iri mólsherde bıýdjet qarajatyn jymqyrý faktilerin anyqtap, kináli ekenin tolyq dáleldedi. Bul týraly oblystyq prokýratýra málim etti.

Жамбыл облысында мемлекеттен заңсыз 321 млн теңге субсидия алған басшылар сотталды
Фото: Қарағанды облысы прокуратурасы

Atalǵan fakti boıynsha qylmystyq is tirkelip, tergeýdi júrgizý oblys prokýratýrasynyń arnaıy prokýrorlaryna júkteldi. ıAǵnı, 2015-2022 jyldar aralyǵynda atalǵan JShS basshylary qol astyndaǵy qyzmetkerlerdiń kómegimen jemis aǵashtarynyń kóshetterin satýmen baılanysty qujattardy qoldan jasap, satylǵan ónim kólemin ádeıi asyra kórsetkeni anyqtaldy. 

- Alaıaqtyq áreketterdiń nátıjesinde olar memleketten 321 mln teńgeden astam kólemde zańsyz sýbsıdııa alǵan. Qylmystyq is aıasynda aıǵaqtar tolyq jınalyp, kúdiktilerge QK-tiń 190-baby 4-bóliginiń 2-tarmaǵy jáne 385-baby 2-bóligi (alaıaqtyq jáne jalǵan qujattardy qoldan jasaý) boıynsha aıyp taǵyldy. 2025 jylǵy 23 shildede Merki aýdandyq soty barlyq kúdiktilerdi kináli dep tanydy, - delingen habarlamada.

Prokýratýranyń málimetinshe, JShS basshylaryna 6 jyldan 7 jylǵa deıin bas bostandyǵynan aıyrý jazasy taǵaıyndaldy, sondaı-aq 10 jyl merzimge qarjy baqylaýy jáne memlekettik sektor salasynda laýazym atqarýǵa tyıym salyndy. Alaıaqtyq jasaýǵa kómektesken bes qyzmetkerge 3 jyldan 5 jylǵa deıingi merzimge bas bostandyǵyn shekteý jazasy taǵaıyndaldy.

Úkim zańdy kúshine engen joq. 

Сейчас читают