Jambyl oblysynda mektep ákimshiligi oqýshyǵa túsik jasatqan

Jambyl oblysy Sarysý aýdany Jańatas qalasynda 13 jasar oqýshyǵa túsik jasalǵan. Alaıda, bul týraly oqýshynyń ata-anasy habarsyz. Sebebi oqıǵa mektep-ınternatta bolǵan. Al mektep ákimshiligi oqýshyny Qarataý qalasyna aparyp, túsikti jeke gınekologqa jasatqan, dep habarlaıdy Kazinform.

Jambyl oblystyq polıtsııa departamenti baspasóz qyzmetiniń bergen málimetterine súıensek, bıyl mamyr aıynda polıtsııaǵa 13 jasar qyzdyń anasy aryzdanǵan. Ol 55 jastaǵy er adamnyń onyń kámeletke tolmaǵan qyzymen jynystyq qatynasqa túskeni týraly aıtqan. 

«Atalǵan fakti boıynsha QR QK 120-bóliminiń 4-baby boıynsha qylmystyq is tirkeldi. Aıyptalýshynyń zorlaý jasaǵany dáleldendi, oǵan qatysty qamaýda ustaý túrindegi bultartpaý sharasy tańdaldy. Qarasha aıynda qylmystyq is sotqa joldandy. Mektep basshylyǵyna qatysty QR QK 434-baby, qylmys týraly habarlamaǵany úshin qylmystyq is tirkeldi. QR QІJK 201-babyna sáıkes, ózge aqparat jarııa etýge jatpaıdy», – delingen departamenttiń baspasóz qyzmeti taratqan relızinde. 

Anasynyń aıtýynsha, er adam oqýshy qyzǵa telefon syılap, onymen jynystyq qatynasqa túsken. Aqyrynda ol júkti bolyp, qyz anasyna shyndyqty aıtyp berýge bel býady. Biraq er adam, joǵary laýazymda tanystary baryn aıtyp, qaýip tóndirgen. 

«Qazir tergeý amaldary júrgizilip jatyr. Sondyqtan ol aıaqtalǵansha eshteńe aıta almaımyn. Kúdikti «Aıgólek» memlekettik balabaqshasynda kúzetshi bolyp jumys istegen», – dedi Jambyl oblysy Sarysý aýdany bilim bóliminiń basshysy Іlııas Baımaǵambetov. 

Buǵan deıin Taraz qalalyq qurylys bóliminiń basshysy úsh jylǵa sottalǵanyn jazǵan bolatynbyz.