Jambyl oblysynda maı tıegen júk kóligi aýdarylyp, órtenip ketti
ASTANA. KAZINFORM — Jambyl oblysy «Almaty–Tashkent» avtojolynyń 560 shaqyrymy Nurlykent aýylynyń mańynda jol-kólik oqıǵasynan keıin júk kóligi órtendi. Bul týraly TJM baspasóz qyzmeti habarlady.
Jýaly aýdanynyń mańynda qozǵaltqysh maıyn tasymaldaǵan júk kóligi aýdarylyp, saldarynan kólik pen tógilgen janar-jaǵarmaı otqa orandy.
Oqıǵa ornyna TJM kúshteri men quraldary jedel jiberildi. Órt sóndirý bólimsheleri kelgen kezde júk kóligi men tógilgen janar-jaǵarmaı tolyq janyp jatty.
Qutqarýshylardyń jedel ári kásibı áreketteriniń nátıjesinde órt az ýaqyttyń ishinde túgel sóndirildi. Zardap shekkender joq.
Aıta keteıik, Atyraý oblysynda jyl basynan beri 31 avtokólik órtendi. Al 2025 jyldyń alǵashqy úsh aıynda 18 mashına otqa oranǵan.
Sondaı-aq Shahtınsktegi avtokásiporyn aýmaǵynda avtobýs kenetten otqa oranyp, jalyn jaqyn turǵan kólikterge taraǵan.
