Jambyl oblysynda qutqarýshylar qar qursaýynan 42 kólikti shyǵardy
ASTANA. KAZINFORM — Qordaı aýdanynyń eski asýynda, jabyq ýchaskede tótenshe jaǵdaılar qyzmetiniń kúshteri qar qursaýynda qalǵan kólikterdi shyǵarý boıynsha apattyq-qutqarý jumystaryn júrgizdi, dep habarlaıdy TJM baspasóz qyzmeti.
Vedomstvo málimetinshe, TJD qyzmetkerleri qardan 42 avtokólikti, onyń ishinde 7 júk kóligin jáne 35 jeńil avtokólikti shyǵardy.
— Barlyq júrgizýshi men jolaýshylar medıtsınalyq kómekke muqtaj bolǵan joq jáne óz baǵyttary boıynsha joldaryn jalǵastyrdy. Joldyń jabyq bóliginiń aldynda aıtarlyqtaı kóp kólik jınalyp qalǵan: 350 júk kóligi jáne 110 jeńil avtokólik. Olar Kenen aýylynan Qaınar aýylyna deıingi aralyqta, sondaı-aq Qordaı aýyly mańynda shoǵyrlanǵan, — delingen habarlamada.
TJM aýa raıy nasharlaǵan kezeńde uzaq jolǵa shyqpaýǵa jáne qutqarýshylardyń nusqaýlaryn saqtaýǵa shaqyrady.
Budan buryn Abaı oblysynda 13 jeńil jáne 25 júk kóligi jolda qalyp qoıǵanyn jazdyq.
