Jambyl oblysynda qutqarýshylar 80 kólikti qar qursaýynan shyǵardy
TARAZ. KAZINFORM — Jambyl oblysynyń Qordaı aýdanynda qar qursaýynan 50 jeńil jáne 30 júk kóligi qutqaryldy, dep habarlaıdy Kazinform Tótenshe jaǵdaılar mınıstrligine silteme jasap.
Jambyl oblysy Qordaı aýdanyndaǵy eski Qordaı asýynda (170–190 shaqyrym) aýa raıynyń kúrt nasharlaýynan júk kólikteri qar qursaýynda qalyp, joldy jartylaı jaýyp tastady.
Tótenshe jaǵdaılar mınıstrliginiń qyzmetkerleri qar qursaýynan 50 jeńil jáne 30 júk kóligin shyǵardy. Kómek kórsetilgen adamdardyń arasynda zardap shekkender joq.
Aýa-raıynyń nasharlaýyna jáne joldardyń jabylýyna baılanysty Jambyl oblysy Tótenshe jaǵdaılar departamenti azamattarǵa psıhologııalyq kómek kórsetý jáne habarlaý úshin senim telefonyn ashty: 8 (7262) 43-58-97, 43-58-39.
Eske sala keteıik, buǵan deıin Jetisý oblysynda kólik qozǵalysyna shekteý qoıylǵanyn jazǵan edik.