Jambyl oblysynda quny 765 mlrd teńge bolatyn jel elektr stantsııasynyń qurylysyna jol ashyldy
ASTANA.KAZINFORM — Jambyl oblysy Moıynqum aýdanynyń prokýratýrasy Investorlardyń quqyqtaryn qorǵaý jónindegi komıtetpen birlesip, jel elektr stantsııalaryn salý boıynsha iri jobany júzege asyryp jatqan «TotalEnergies» JShS-niń quqyqtaryn qorǵaýdy qamtamasyz etti. Bul týraly Bas prokýratýra málim etti.
— Jobanyń jalpy ınvestıtsııa kólemi 765 mlrd teńgeni quraıdy. Joba jyl saıyn jańartylatyn energııa kózderinen 1 GVt-qadeıin elektr energııasyn óndirýge, 150 jumys ornyn qurýǵa jáne bıýdjetke qosymsha salyq túsimderin qamtamasyz etýge múmkindik beredi, — delingen habarlamada.
Anyqtalǵandaı, ınvestorǵa nysan qurylysyn júrgizý úshin 1 693 gektar jer ýchaskesi berilgen. Alaıda ýákiletti organnyń ákim qaýlysyn memlekettik tirkeýdi sozbalańǵa salýyna baılanysty jobany iske asyrýǵa qaýip tóngen.
Prokýrorlyq qadaǵalaý sharalarynyń nátıjesinde zań buzýshylyqtar joıylyp, qaýly belgilengen tártippen memlekettik tirkeýden ótkizildi, al ınvestordyń quqyqtary qalpyna keltirildi.
Kináli laýazymdy tulǵa tártiptik jaýapkershilikke tartyldy.
Investıtsııalyq jobalardy súıemeldeý jáne ákimshilik kedergilerdi joıý boıynsha jumystar jalǵasýda.
Jambyl oblysynyń prokýratýrasy ákimshilik kedergilerge tap bolǵan ınvestorlardy 8 (775) 891-25-52 telefony arqyly nemese 115 nómirli Call-ortalyqqa habarlasýǵa shaqyrady.
Aıta keteıik, Pavlodarda prokýrorlar 368 mln teńgelik artyq shyǵynnyń aldyn aldy.
