Jambyl oblysynda quny 5 mıllıon teńge bolatyn gashısh tárkilendi

TARAZ. KAZINFORM – Jambyl oblysynda kezekti esirtki trafıgi arnasynyń joly kesildi. 

Jedel izdestirý is-sharalaryn Shý aýdany Tóle bı aýylynda oblystyq polıtsııa departamentiniń esirtki qylmysyna qarsy is-qımyl basqarmasy jáne ulttyq qaýipsizdik komıteti oblys boıynsha departamentiniń qyzmetkerleri júrgizdi. Nátıjesinde esirtki zattaryn ótkizý maqsatynda asa iri mólsherde saqtady degen kúdikpen 25 jastaǵy jergilikti turǵyn ustaldy. 

Kúdiktiden ishinde gashısh esirtki quraly bar polıetılen qapshyǵy tárkilengen. Er adam ony Almaty qalasynda satý úshin saqtaǵan. 

«Alynǵan zattyń jalpy salmaǵy 14 keli 20 gramm – bul shamamen 5 600 dozany quraıdy. Olardyń qara naryqtaǵy jalpy quny 5 mln. teńgeden asady. Ustalǵan adam kinásin moıyndady. Qazirgi ýaqytta ol ýaqytsha ustaý ızolıatoryna qamaqqa alyndy. Sotqa deıingi tergeý amaldary júrgizilýde», - dep habarlady PD Esirtki qylmysyna qarsy is-qımyl basqarmasynyń bastyǵy Álim Bajyqbaev.

Eske sala keteıik, buǵan deıin Almatyda esirtki taratyp júrgen Pákistan men Úndistannyń azamattary ustalǵany habarlanǵan bolatyn.