13:18, 07 Aqpan 2025 | GMT +5
Jambyl oblysynda quny 187 mln temekini zańsyz ákelgender anyqtaldy
ASTANA. KAZINFORM – Osy jyldyń 5 aqpanynda Jambyl oblysy Qarasý eldi mekeninde UQK shekara jasaǵy temekiniń iri partııasyn (535 myńnan astam qorap) tasymaldaý áreketiniń jolyn kesti.
Temeki buıymdary kórshi elden Qazaqstanǵa ilespe qujattarysyz jetkizilip turǵan.
Aldyn ala baǵalaý boıynsha tárkilengen taýardyń quny 187 mln teńgeden asady. Ári qaraı qaralýy úshin júk tıisti organǵa berildi.
Aıta keteıik, 15 qańtarda UQK Shekara qyzmeti Jambyl oblysy boıynsha departamenti ekonomıkalyq tergep-tekserý, polıtsııa jáne memlekettik kirister organdarymen birlesip temekiniń iri partııasyn elge zańsyz ákelýdiń jolyn kesti.