Jambyl oblysynda kúndizgi onkologııalyq statsıonarǵa keletin naýqastar sany artty
ASTANA. KAZINFORM — Oblystyq onkologııa jáne hırýrgııa ortalyǵynda 200 tósek-oryn bar. Onyń 55-i kúndizgi statsıonarǵa arnalǵan. Munda naýqastar aýrýhanada turaqty jatpaı-aq, qajetti em-dom sharalarynan ótedi.
Dárigerlerdiń aıtýynsha, búgingi kúni táýlik boıy jumys isteıtin bólimsheniń júktemesi kóbeıgen.
Bıyl alǵashqy 6 aıda eki bólimshede 5 117 adam em qabyldaǵan. Ótken jyldyń osy kezeńinde statsıonarlarda 4 533 naýqas emdelgen. ıAǵnı kórsetkish 584 adamǵa nemese 12,9%-ǵa ósken.
Eń joǵary ósim kúndizgi statsıonarda baıqaldy. Munda bıyl 1 426 patsıent qabyldanǵan, al byltyr olardyń sany 1 196 adam bolǵan. Bul — 230 adamǵa kóp, ósim — 19,2%.
Táýlik boıy jumys isteıtin statsıonarda 3 691 patsıent emdelgen. Ótken jyly bul kórsetkish 3 337 adam bolǵan. ıAǵnı naýqastar sany 354 adamǵa nemese 10,6%-ǵa artqan.
Alaıda mamandar em qabyldaǵandar sanynyń ósýi statsıonarlardyń atqarǵan jumys kólemin ǵana kórsetetinin atap ótti. Bul kórsetkishtiń ózi onkologııalyq aýrýlardyń taralý deńgeıi dál osyndaı qarqynmen óskenin bildirmeıdi.
Aıta keteıik, elimizde 15 myńǵa jýyq onkologııalyq naýqas sáýlelik em qabyldap jatyr.
