Jambyl oblysynda kishkentaı qyzdy zorlaǵan jigit ómir boıyna bas bostandyǵynan aıyryldy
TARAZ.KAZINFORM - Qylmystyq kodekstiń 121-babynyń 4-bóliginde kózdelgen qylmys úshin zańda basqa jaza qarastyrylmaǵan.
Іs kishkentaı qyzǵa qatysty bolǵandyqtan jáne sot otyrysy jabyq esik jaǵdaıynda ótkendikten, sottyń baspasóz qyzmeti bergen resmı málimdemede oqıǵanyń barlyq mán-jaıy ashylmaǵan.
Belgilisi ekinshi synyp oqýshysynyń ata-anasy úıde bolmaǵan. Onyń qasynda kózi kórmeıtin qart atasy jáne kishkentaı sábı bolǵan. Sol ýaqytta otbasynyń týysy úıdegi Wi-Fi qupııa sózin bilý úshin kelgen.
Er adam betińnen súıemin dep qyzdy shaqyryp alǵan. Ata-anasynyń joqtyǵy men qart adamnyń dármensizdigin paıdalanyp, balaǵa jynystyq zorlyq-zombylyq kórsetken. Aýyrsynyp turǵan kishkentaı qyz anasy keshke úıine kelgende bolǵan jaıdy aıtyp beredi.
Áıel dereý polıtsııaǵa qońyraý shalǵan. Tergeýshiler úıdi tekserip, jumsaq jıhazdan mata men mıkrotalshyq úlgilerin aldy.
Іs keıinirek Jambyl oblysynyń mamandandyrylǵan aýdanaralyq qylmystyq sotyna joldandy. Balamen zorlyq-zombylyq sıpatynda jynystyq qatynasqa túskeni úshin ol Qylmystyq kodekstiń 121-babynyń 4-bóligi boıynsha sottaldy.
Sottalýshy kinásin ishinara ǵana moıyndady. Prokýror ómir boıyna bas bostandyǵynan aıyrý jazasyn surady. Jábirlenýshi tarap er adamdy keshirmeıtinin aıtyp, ony zańnyń eń qatań jazasymen jazalaýdy surady.
Sot er adamdy kináli dep tanyp, ómir boıyna bas bostandyǵynan aıyrý jazasyn kesti. Úkim áli kúshine engen joq.
Buǵan deıin Aqtóbede kámeletke tolmaǵan qyzǵa seksýaldyq zorlyq kórsetken áskerı qyzmetshi sottaldy.
Sondaı-aq SQO-nyń birneshe aýdanynda balaǵa qatysty týystary tarapynan seksýaldy zorlyq-zombylyq jasalǵany anyqtalǵan.
