Jambyl oblysynda komaǵa túsken qostanaılyq sarbaz esin jıdy
ASTANA. KAZINFORM – Qostanaılyq áskerge shaqyrylǵan sarbazdyń esin jıǵany týraly aqparatty izdeý jasaǵynyń eriktileri jetkizdi. Bul týraly bir kún buryn áleýmettik jelide jarııalanǵan bolatyn.
Esterińizge sala keteıik, Qostanaıdan áskerge shaqyrylǵan sarbazdyń es-tússiz kúıge túskeni týraly habar 2024 jyldyń maýsym aıynda shyqqan bolatyn. Sol kezde naýqasta oń jaqta plevrıt, 3-4 dárejeli ınfektsııaly-toksıkalyq shok, mıdyń gıpoksııalyq isinýi, tserebraldy koma, klınıkalyq ólimnen keıingi jaǵdaıy anyqtaldy. Dárigerler keýde qýysynyń doǵaly jaraqattanǵanyn atap ótti.
Artynsha ınternet jelisinde sarbazdyń ata-anasynyń QR Prezıdentine arnaǵan vıdeoúndeýi paıda boldy. Óz kezeginde Memleket basshysy atalǵan oqıaǵany jan-jaqty tekserýdi talap etti.
Keıin áskerı qyzmetshi kishi serjant D. D. Turlanǵa qatysty «Qyzmettik ókilettigin asyra paıdalaný» baby boıynsha qylmystyq is qozǵaldy.
Qorǵanys mınıstrligi sarbazdyń aýrýynyń sebebi men onyń qyzmettik ókilettigin asyra paıdalanǵan kúdiktimen baılanysy bar-joǵy tergeý barysynda anyqtalatynyn atap ótti.
