Jambyl oblysynda kólik qozǵalysyna shekteý qoıyldy

ASTANA. KAZINFORM — Aýa raıynyń kúrt buzylýyna baılanysty Jambyl oblysynda kólik qozǵalysyna shekteý qoıyldy. Bul týraly «QazAvtoJol» UQ» AQ resmı arnasynda habarlandy.

— 2024 jylǵy 6 qarashada saǵat 16:00-den 2024 jylǵy 7 qarasha saǵat 04:00-ge deıin Jambyl oblysynda aýa raıynyń buzylýyna baılanysty respýblıkalyq mańyzy bar «Almaty-Tashkent-Termez» avtojolynyń 535-593 shaqyrym aralyǵynda (Aısha bıbi aýylynan Túrkistan oblysynyń shekarasyna deıin) kóliktiń barlyq túriniń qozǵalysyna shekteý qoıylady, — delingen kompanııa taratqan aqparatta.

Eske salsaq, buǵan deıin mańǵystaýlyq oqýshylar aýa raıynyń qolaısyzdyǵyna baılanysty qashyqtan oqıtyny habarlandy.

Sonymen qatar Oralda alǵashqy jaýǵan qar kólik qozǵalysyna qıyndyq keltirgeni de aıtyldy.