Jambyl oblysynda «Qazaqtelekom» basshylaryna qatysty tergeý aıaqtaldy — Antıkor
TARAZ. KAZINFORM – «Qazaqtelekom» AQ Servıstik fabrıkasy — fılıalynyń laýazymdy adamdaryna qatysty tergeý aıaqtaldy. Bul týraly Antıkor málim etti.

— Jambyl oblysy boıynsha Sybaılas jemqorlyqqa qarsy qyzmet ulttyq kompanııanyń jyljymaıtyn múlik portfelin basqarýǵa jaýapty bólimshe bolyp tabylatyn «Qazaqtelekom» AQ Servıstik fabrıkasy — fılıalynyń laýazymdy adamdarynyń ókilettikterin teris paıdalandy degen kúdik boıynsha qylmystyq isti tergeýdi aıaqtady, — delingen agenttik habarlamasynda.
Bas dırektor men fılıal qyzmetkeri memleket múddesine qaıshy jáne kásipker úshin paıda tabý maqsatynda Taraz qalasyndaǵy aktsıonerlik qoǵamnyń ákimshilik ǵımaratyn kórineý tómendetilgen quny boıynsha memleketke 460 mln teńgeden astam somaǵa zalal keltire otyra iske asyrdy dep kúdikke ilingen.
Qabyldanǵan sharalarmen jyljymaıtyn múlik obektisi memlekettik menshikke berildi.
Eske sala keteıik, buǵan deıin Astanadaǵy «Elorda Qurylys Kompanııasy» bóliminiń basshysy 10 jylǵa sottalǵanyn jazǵan bolatynbyz.