Jambyl oblysynda qaýipti qaldyqtarǵa qatysty zań buzý anyqtaldy

TARAZ. KAZINFORM – Jambyl oblysynda prokýrorlar qaýipti óndiristik qaldyqtarmen jumys isteý barysynda zań buzýdy anyqtady. 

Oblys aýmaǵyndaǵy edáýir kásiporyndardyń qyzmetiniń nátıjesinde qaýipti qaldyqtar, onyń ishinde paıdalanylǵan jabdyqtar men maılar, burǵylaý qaldyqtary, sondaı-aq quramynda qaýipti zattary bar basqa da qaldyqtar paıda bolatyny anyqtaldy.

Óńirde qaýipti qaldyqtardy joıý úshin mamandandyrylǵan polıgondardyń joq bolýyna baılanysty keıbir tabıǵat paıdalanýshylar «sur shemalardy» qoldanýǵa júgingenin taldaý kórsetti.

Ekologııa departamentine qaýipti qaldyqtardy qaıta óńdeý jáne joıý úshin úshinshi uıymdarǵa berý týraly esepter usynylǵan.

Alaıda qaldyqtar tıisti lıtsenzııasy joq kásiporyndarǵa berilgeni nemese qaldyqtardy qabyldaý jáne joıý qyzmetteri boıynsha kelisimsharttardyń formaldy sıpatta bolǵany jáne oryndalmaǵany anyqtaldy.

Saldarynan qaýipti qaldyqtar arnaıy polıgondarǵa baqylaýsyz tastalǵan.

Qadaǵalaý aktisi boıynsha beıindi departament 8 kásipkerlik sýbektisine qatysty ÁQBtK-niń 344-babynyń 4-bóligi boıynsha jalpy somasy 5 mln teńgege jýyq aıyppul saldy.

Sonymen qatar, qaýipti qaldyqtardy basqarý salasynda zańbuzýǵa jol bergen obektilerdiń operatorlarymen buryn jasalǵan qaldyqtardy joıý týraly kelisimshart buzyldy.

Aıta ketelik Oral men Aqsaıda qatty turmystyq qaldyqtar polıgony nelikten salynbaı otyrǵany týraly jazǵan edik.