Jambyl oblysynda qatty jel úılerdiń shatyryn ushyryp áketti
TARAZ. KAZINFORM – 6 aqpanda Jambyl oblysy Sarysý aýdany Jańatas qalasynda ekpini 32 m/s-qa deıin jetken qatty jeldiń saldarynan birqatar nysanǵa zaqym keldi.
— 1-shaǵyn aýdandaǵy № 32, 33, 34, 35 turǵyn úılerdiń, 3-shaǵyn aýdandaǵy № 6 turǵyn úıdiń, 4-shaǵyn aýdandaǵy № 15 jáne № 15 «a» turǵyn úılerdiń shatyrlary jartylaı ushqan, — delingen Jambyl oblysy ákimdigi habarlamasynda.
Sonymen qatar Beıbitshilik kóshesinde ornalasqan tý tuǵyry qulap, aýdan aýmaǵynda elektr jaryǵy ýaqytsha óshken.
Qazirgi ýaqytta zardap shekken azamattar týraly aqparat tirkelgen joq.
Oqıǵaǵa baılanysty aýdan ákimdiginde jedel shtab qurylyp, zerdeleý jáne qalpyna keltirý jumystary júrgizilip jatyr.
Sarysý aýdanynyń ákimdigi asa bir qajettilik týyndamasa úıden shyqpaýǵa keńes aıtty.
— 6 aqpanda qatty jel soǵyp, qaladaǵy keıbir turǵyn úılerdiń shatyrlary ushyp ketip jatyr. Qaýipsizdikti saqtaý maqsatynda sizderden asa qajettilik bolmaǵan jaǵdaıda dalaǵa shyqpaýlaryńyzdy jáne kóshede abaılap júrýlerińizdi suraımyz, — delingen Sarysý aýdanynyń ákimdiginiń habarlamasynda.
Aıta ketelik TJM kún kúrt sýytatynyp aıtyp, eskertý jasaǵan edi.