Jambyl oblysynda kásipkerlerge 300 mln teńge bereshek óteldi
ASTANA. KAZINFORM — Jambyl oblysy Talas aýdanynyń prokýratýrasy kásipkerlik sýbektileriniń quqyqtaryn qorǵaý salasyndaǵy zańnamanyń saqtalýyna taldaý júrgizdi.
2024–2025 jyldary aýdandyq kópbeıindi ortalyq aýrýhana 306 kásipkerlik sýbektisimen memlekettik satyp alý týraly sharttar jasaǵany anyqtaldy.
Bul rette, kásipkerler sharttyq mindettemelerdi tıisinshe oryndaǵanyna qaramastan jetkizilgen taýar, oryndalǵan jumys pen kórsetilgen qyzmet úshin ýaqtyly qarajat tólemeý faktilerine jol berilgen.
Mysaly, 2025 jylǵy 14 qazanda ortalyq aýrýhana jeke kásipkermen 1,8 mln teńgege taýar jetkizýge shart jasaǵan.
Kásipker mindettemelerdi tolyq kólemde oryndap, bul qabyldaý-tapsyrý aktisimen rastalǵan. Alaıda jetkizilgen taýar úshin belgilengen merzimde tólem júrgizilmegen.
Prokýrorlyq qadaǵalaý aktisin qaraý nátıjeleri boıynsha zań buzý joıyldy.
Qazirgi tańda 306 kásipkerlik sýbektisi aldyndaǵy jalpy somasy 300 mln teńge bereshekti óteý qamtamasyz etildi. Qalǵan bereshekti óteý belgilengen tólem kestesine sáıkes júzege asyrylyp jatyr.
Aıta ketelik Abaı oblysynyń prokýratýrasy 3,4 myń kásipkerdiń quqyǵyn qorǵaǵan edi.
