Jambyl oblysynda kásipkerlerge 290 mlrd teńge nesıe berilgen

ASTANA. KAZINFORM — Jambyl oblysynda bıznesti damytýǵa 32,5 myń kásipkerge 289,8 mlrd teńge nesıe berilgen. Bul týraly Jambyl oblysynyń ákimi Erbol Qarashókeev esep berý brıfınginde aıtty.

Óńir ákiminiń aıtýynsha, berilgen nesıe ishinen memlekettik baǵdarlamalar aıasynda 52 mlrd teńgege 1218 joba iske asyryldy.

— Nátıjesinde shaǵyn jáne orta bıznes sýbektileri shyǵarǵan ónim kólemi 18,1%-ǵa artty, bul 765 mlrd teńge. Qazir 109,1 myń sýbekt jumys istep tur, onda jumyspen qamtylǵandar sany — 165,4 myń adamdy qurady, onda 165,4 myń adam jumyspen qamtylǵan, — dedi E. Qarashókeev Ortalyq kommýnıkatsııalar qyzmetinde.

Oblysta şaǵyn jáne orta kásipkerliktiń jalpy qosylǵan quny 348 mlrd teńgeni, JÓÓ-degi úlesi — 22,5% qurady.

Óńirde shaǵyn jáne orta bıznesti damytý úshin jalpy aýdany 40 myń sharshy metr óndiristik jaılary bar shaǵyn ónerkásiptik aımaqtar qurylǵan.

Aıta keteıik, Jambyl oblysy Qazaqstandy strategııalyq mańyzy bar hımııa ónimderimen 100% qamtamasyz etip otyr.

2029 jylǵa deıin Jambyl oblysynda 4,1 trln teńgege 62 ınvestıtsııalyq joba iske asyrylady jáne 8,3 myń jumys orny qurylady.