Jambyl oblysynda qarjy pıramıdasynan 200-den astam azamat zardap shekken

TARAZ. KAZINFORM - Jambyl oblysy boıynsha Ekonomıkalyq tergep-tekserý departamenti byltyr jábirlenýshilerdiń aryzdary boıynsha qarjy pıramıdalaryn uıymdastyrýshylarǵa qatysty 3 qylmystyq isti tirkep, jábirlenýshilerge 45 mıllıon teńge óndirip bergen. Zardap shekken azamattar sany – 200-den astam.

Bul týraly búgin óńirlik kommýnıkatsııalar qyzmetinde ótken brıfıngte Jambyl oblysy boıynsha Ekonomıkalyq tergep-tekserý departamentiniń mamandary málimdedi.

Oblysta jumysy toqtaǵan qarjy pıramıdalarynyń biri – «Chia Tai Tianqinq Pharmaceutical Group». Atalǵan pıramıda uıymdastyrýshysyna qatysty qylmystyq isti tergeý barysynda satyp alynǵan páter túrindegi múlik pen 10 mıllıon teńgeden astam qarajat tárkilengen.

Sonymen qatar, byltyr óńirde qarjylyq pıramıda belgileri bar saıttardy joıý kezinde 1013 silteme buǵattalǵan.