Jambyl oblysynda qansha qyz balaǵa HPV vaktsınasynyń birinshi dozasy egildi
TARAZ. KAZINFORM — Jambyl oblysynda 11-13 jas aralyǵyndaǵy 36 204 qyz bala vaktsınatsııalaýǵa jatady, dep habarlaıdy Kazinform agenttiginiń tilshisi Jambyl oblysy bilim basqarmasynyń baspasóz qyzmetine silteme jasap.
Aımaqta jappaı vaktsınatsııa sońǵy birneshe jylda júrgizilip keledi. Adam papıllomasy vırýsyna (VPCh) qarsy vaktsına jatyr moıny obyrynyń negizgi sebepteriniń biri sanalatyn bul vırýstyń aldyn alýda asa mańyzdy. Vaktsına jynystyq ómir bastalǵanǵa deıin egilse, tıimdiligi joǵary bolady. Sondyqtan dárigerler qyz balalarǵa bul vaktsınany 11–13 jas aralyǵynda saldyrýdy usynady.
Oblystyq densaýlyq saqtaý basqarmasynyń málimetinshe, APV-ǵa qarsy vaktsınatsııa erikti túrde júrgiziledi. Alaıda óńirde bul ekpeniń mańyzyn túsindirýge baǵyttalǵan aýqymdy aqparattyq-túsindirý jumystary júrgizilip jatyr. 2025 jyly óńir boıynsha 82 semınar ótkizilip, 2838 medıtsına qyzmetkeri oqytyldy. Olar qyz balalarǵa ekpe egý jumysyn ózderi júrgize alady. Sonymen qatar 330-dan astam kezdesý men dóńgelek ústelder uıymdastyrylyp, olarǵa 2200-den astam muǵalim, 6700 ata-ana jáne 5500 oqýshy qyz qatysqan.
Egý jumystary mektepterdegi 343 medıtsınalyq pýnkt pen 281 medıtsınalyq mekemedegi egý oryndarynda júrgizilýde. Olar qajetti quraldarmen jabdyqtalǵan. Sonymen birge 30 jyljymaly egý brıgadasy jumys isteıdi.
Densaýlyq saqtaý basqarmasynyń qoımalarynda AQSh-ta óndirilgen 22 942 doza vaktsına bar. Qajetti mólsherdegi vaktsına egý oryndaryna jetkizilgen.
2025 jyldyń sáýirinen bastap óńirde APV-ǵa qarsy ekinshi týr vaktsınatsııasy bastaldy. Bul kezeńde qyz balalarǵa vaktsınanyń ekinshi dozasy egiledi.
150 myń oqýshy papılloma vırýsyna qarsy vaktsınanyń ekinshi dozasyn alady.
Buǵan deıin 15 myń qyz adam papıllomavırýsyna qarsy ekpeniń ekinshi dozasyn alǵany habarlandy.