Jambyl oblysynda qalalyq kópsalaly aýrýhananyń bas dárigeriniń orynbasary sottaldy

ASTANA. KAZINFORM - Taraz qalalyq soty Jambyl oblysynyń Qalalyq kópsalaly aýrýhanasy bas dárigeriniń ekonomıkalyq jáne ákimshilik-sharýashylyq qamtamasyz etý jónindegi orynbasary S. Shaýshenova men bas býhgalter A. Dostaevaǵa qatysty úkim shyǵardy.

QR Sybaılas jemqorlyqqa qarsy is-qımyl agenttigi baspasóz qyzmetiniń habarlaýyna, olar «Qaırat Qurylys-QK» JShS affılırlengen kásipornyna jalǵan qujattar boıynsha zańsyz aýdarý jolymen 758 mln teńgeden astam bıýdjet qarajatyn jymqyrǵany úshin kináli dep tanyldy.

Sonymen qatar, bas dárigerdiń orynbasary qylmystyq jolmen alynǵan qarajatty zańdastyrý boıynsha sottaldy.

Sot úkimimen Shaýshenova 9 jylǵa, Dostaeva 6 jylǵa bas bostandyǵynan aıyrýǵa sottaldy.

Sonymen qatar, sottalǵandar qarjylyq qyzmetke baılanysty laýazymdardy 10 jyl merzimge atqarý quqyǵynan aıyrylady.

Sot aktisi zańdy kúshine engen joq.

- Sonymen qatar, Konstıtýtsııanyń 77-baby 3-tarmaǵynyń 1-tarmaqshasyna jáne Qylmystyq-protsestik kodekstiń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árbir adam kinásiz dep esepteledi.

Memleket basshysynyń tapsyrmasyn oryndaý maqsatynda Sybaılas jemqorlyqqa qarsy is-qımyl agenttigi qoǵamda zańdylyq pen tártip qaǵıdatyn qamtamasyz etý, sondaı-aq sybaılas jemqorlyq faktileriniń jolyn kesý jónindegi jumysty jalǵastyrýda,- delingen habarlamada.

Qaraǵandy, Astana jáne Aqtóbe qalalaryna esirtki jetkizýdi uıymdastyrýshylar sottaldy.