Jambyl oblysynda ınvestorǵa tıesili jer basqa adamǵa zańsyz berilgen
ASTANA. KAZINFORM — Jambyl oblysynyń Tabıǵat qorǵaý prokýratýrasy Investorlardyń quqyqtaryn qorǵaý komıtetimen birlesip, qatty paıdaly qazbalardy óndirý jónindegi jobany iske asyratyn «Gold Stone LLP» JShS quqyqtaryn qalpyna keltirdi.
Investor prokýratýraǵa Moıynqum aýdany ákimdiginiń jer ýchaskesin berý máselesine baılanysty áreketterine shaǵymdanǵan.
Taldaý barysynda jer zańnamasynyń eleýli buzýshylyqtary anyqtaldy. Prokýratýra belgilegendeı, ınvestordyń taý-ken bólý shekarasyna kiretin 36 gektar jer ýchaskesi óndiristik bazany ornalastyrý úshin basqa jer paıdalanýshyǵa berildi.
Bul rette jalǵa alý quqyǵy mindetti Saýda-sattyqty ótkizbeı resimdelgen, bul Qazaqstan Respýblıkasy Jer kodeksiniń 48-babynyń talaptaryna tikeleı qaıshy keledi.
Tabıǵat qorǵaý prokýratýrasy aralasýynan keıin ǵana ákimdiktiń zańsyz qaýlysy prokýrorlyq qadaǵalaý aktisimen joıyldy. Kináli laýazymdy tulǵa jaýaptylyqqa tartyldy.
Búgingi tańda jer komıssııasy daýly ýchaskeni tikeleı ınvestorǵa berý týraly usynystar ázirledi.
Aıta ketelik Astana prokýratýrasy ınvestordyń quqyǵyn qorǵap, 20 mln dollarlyq jobany iske qosqan edi.
