Jambyl oblysynda ıesiz ıtterdi aýlaýǵa 70 mln teńge bólingen

TARAZ. KAZINFORM - Bıyl Jambyl oblysynda qańǵybas ıtter men mysyqtardy aýlaýǵa bıýdjetten 69 mln teńge bólingen. Bul týraly Jambyl oblysynyń veterınarııalyq stantsııasy dırektorynyń mindetin atqarýshy Ǵabıtbek Kebeev óńirlik kommýnıkatsııalar qyzmeti alańynda ótken baspasóz konferentsııasynda málimdedi.

Onyń aıtýynsha, byltyr osy maqsatqa ákimdik tarapynan 55 mln teńge bólingen. Qarajat esebinen 29387 qańǵybas ıt pen 196 mysyq aýlanyp, onyń ishinde 196 ıt ýaqytsha ustaý ornyna ornalystyrylǵan.

«Qańǵybas ıtter men mysyqtardy aýlaýǵa bólingen qarjyǵa keler bolsam, bıyl bul jumystarǵa ótken jylǵa qaraǵanda kóbirek qarajat bólindi, 69 mln 998 myń teńge. Ótken jyly oblysta 29387 qańǵybas ıt pen 196 mysyq aýlanyp, onyń ishinde 196 ıt ýaqytsha ustaý ornyna ornalystyryldy», – dedi ol brıfıngte.